الأحد، 14 فبراير 2010

واخدة ثانوية وعايزة محو امية


دخلت الفصل

موجود مدرس الفصل لانى تربية عملى

شرحت can

- فومى يا حبيبتى

قوليلى جملة ب can

- سكوووووت

- هه

الفاعل + can + الفعل ف المصدر

معلش الكلام كان بالعربى لعلهم يفهموا

- سكوووووووووت

ماشى حطى الفاعل

- سكوووووت

و كتبتلها can

قولى اقرى

البنت ما نطقتش

عرفت ساعتها انهامش بتعرف تقرى و تكتب !!!!!!!!!!!!!!

بنت ف تانية اعدادى مابتعرفش تقرى و تكتب

بصيت ع المدرس لقيتة عادى جدا و لا فية حتى مظاهر امتعاض او خجل

امال انت بتديهم اية

بلاش دى سكتت عليها ازاى

ماشتكيتش لية

مليون سؤال جه ف بالى

حسيت انى لو سكتت ذنبها ف رقبتى هى و اللى زيها و فى زيها كتيييييير

المدرس بعديها قاللى لازم تتجاهليهم

يعنى هيكون فى كام ف الفصل 5 قولى عشرة!!!!!!!!!!!!!!!!!!!!!!

رحت البيت و سالت امى لانها مدرسة

قلتلها ازاى دول وصلوا لكدة

قالتلى دول لسة هيوصلوا للثانوى و ياخدوا فنى او دبلوم و هما اميين

ازاااااى

قالتلى بالغش مدرس بيدخل اللجنة ويكتبلوهم فى ورقة اجابتهم

قلتلها وانا بموت م الحسرة ان مدرس خان رسالتة و خان وطنة و خان ضميرة و فوق كل دة خان امانتة و خان الله

طاب المفروض اننا نبلغ عن المدرس

و عن المراقب و عن مراقب الدور

قلتلى نبلغ مين

قلتلها المديرة مثلا

قالتلى ماهى عارفة!!!!!!

قلتلها مدير الادارة

قاتلى ماهو مدير الادارة عايز كدة

تجيلة نسبة النجاح مثلا 50 ف المية

يقول لازم ترفعوها

و طبعا ماينفعش تترفع الا بالغش!!!!!!!!!!!!!!!

و بعد كدة يجو يقولولنا تطوير تعليم

اقولهم انا كما قال الشيخ وجدى غنيم روحوا كلو فتة

هناك 3 تعليقات:

  1. السلام عليكم
    دة الطبيعى واللى حاصل من زمان
    ومحديقدر يقول حاجة كلوا ساكت على هذا الوضع
    الله يكرمك على هذا البوست الشيق
    يسعدنى ويشرفنى مرورك على مدونتى

    ردحذف
  2. السلام عليكم
    ندعوكم للدخول الى شات مونتى يوم21/3/2010
    تمام الساعة العاشرة مساءا
    من اجل نصرة المسجد الاقصى

    ردحذف
  3. والله وفي كليات الطب
    مابيبقى عارف السؤال بيقول ايه لكنه بيلاقي نفس الكلام في ورقة البرشام فيروح حطه إجابة

    ردحذف